為何投資ibond 必賺

香港實在太少人認識債券, 香港政府發行ibond除派錢予市民之餘,同時可向廣大市民灌輸債券的概念, 可謂比澳門直接派錢來得更有深度。今次ibond 5的認購反應熱烈,香港政府發行100億, 認購金額達60億,證明大家都似乎知道ibond是穩賺不蝕的了。但大家又是否知道為何ibond於首日掛牌在市場立即沽售可保證獲利?10個人裡面知道原因的可能不足3人。

Ibond全名香港政府通脹掛鈎債券, 由香港政府發行,是一種三年期港元政府債券，每手面值一萬港元，每半年派息一次，其息率分浮息及定息，浮息與香港最近六個月的通脹率（以綜合消費物價指數為準）掛鈎，定息為一厘，最終派息率以高者為準，於2011年7月起每年發行一批,至今已經發行第五批。

Ibond由香港政府發行, 惠譽給予iBond「AA+」評級,穆迪評級為「Aa1」, 而標普則給予「AAA」的評級,可以說是risk free。以一個risk-free 的發行人發行的債券回報應該是多少? 以同是AAA的3年期美國國庫債券為例,孳息率約1%。而ibond IPO認購的收益率平均有4%-4.5%, 同樣是risk-free asset, 但ibond比3年期美國國庫債券高出3%, 你說是不是穩賺。

有人會說ibond幾厘回報毫不吸引, 但槓桿後回報就可以番20倍。每一隻債券都有不同的融資額,越高評級的債券一般會有較高的融資額, 例如評級高如如ibond的債券就有高達97%的融資額,當年ibond我認購了38手，以IPO認購價100、每年4%回報計,槓桿後的回報率達80%p.a., 所以大家應該明白Ibond 首日掛牌為何必升無疑了, 因為如果唔升, 班基金佬第一時間走出來掃貨，第一口價就已經去到105了。如果有人願意以103價格首日掛牌場外賣比我, 我會非常歡迎, 定必來者不拒, 將買入的ibond抵押予比銀行套回97%資金出來套套息回報也不錯。

債券投資 (3) – 風險篇

投資債券的風險主要為1. 違約風險; 2. 利率風險; 3. 價格風險; 4. 流動性風險。

1. 違約風險

違約風險即是債券發行人違約, 例如公司破產, 無力償還本金或利息, 遇上這種情況, 要視乎債券的結構, 例如債券是否有抵押品或母公司擔保, 又或者集團公司出具的備用信用證擔保(Standby LC), 如果有, 作為債券投資者, 即同時作為該公司的債權人是有第一的優先受償權利, 除非抵押品不足償還或擔保人同時破產, 否則投資者本息的安全性仍有一定的保證。但即使債券沒有任何擔保或抵押品,  作為該公司的債權人, 地位仍優於一眾股東(包括股票投資者), 公司變賣所有資產後會先償還債權人, 歷史數據反映, 債券違約後的資金回收率達85%。

2. 利率風險

市場利率風險上升, 債券價格就會下跌, 原因是現有債券的相對回報(Relative Return)下降了, 但也不代表所有的債券都會下跌, 所以在預期利率將會開始回升時, 選債技巧十分重要,  故專業投資者會分析yield curve、預測利率走勢、加息的幅度、分析經濟情況是否可以承受大幅加息、通脹預測是否有大幅加息的必要等因素(有機會再詳談)。因此, 利率風險同時導致價格風險。另外, 做槓桿債券的投資者特別要注意一點, 由於槓桿債券的融資利率 般是浮息, 市場加息同時令融資成本上升, 令套息空間收窄。

3. 價格風險

價格風險顧名思義就是債價下跌, 債價下跌不外乎公司不利因素及利率上升所導致。公司不利因素意指令公司信貸風險上升的因素, 不在此詳談。利率上升導致債價下跌, 要視乎不同債券的Duration, 即債券價格對利率變化的彈性。一般來說, 利率上升對短期的債券價格影響較少, 主要由於”回歸理論”, 越近到期日, 債券價格越tend to be 100; 相反債券年期越長, 債券價格對利率變化的敏感度越大。因此對於滿足於債券現有Yield (不是coupon rate)的投資者來說, 只有持有債券至到期日, 不需理會債債的波幅, 當然如果債價大幅上升, 投資者可以選擇財息兼收, 可謂進可攻退可守。

但槓桿債券投資者要留意, 如果債價大幅下跌, 觸及補倉點, 投資者是需要於指定時間內補倉的, 因此我一般建議投資者不要用盡債券的槓桿成數, 留一點buffer是有必要。

4. 流動性風險

 動性風險即是債券的流動性問題, 投資者是否容易在市場上沽出債券。

總結

在大家都預期美國將會加息的情況下, 選債技巧最為重要, 應盡量避免選擇年期太長的債券, 特別是永續債券(Perpetual Bond), 除非你認為發行人非常穩健, 同時yield亦都滿意, 長期持有收息, 有能力持有至到期收回所有本金。此外, 避免選擇評級太高, yield太低的債, 這些債一般較受加息影響, 但同時評級不高的債你又可能擔心持有至到期, 因此選債是一門藝術(往後有機會會詳談)。對槓桿債券投資者而言, 更應選擇穩健的企業(穩健也不一定代表高評級低yield), 高槓桿比率 (高槓桿比率也不一定代表你要用盡), 宜保留一定的倉值(Margin Value)。為對沖利率上利令融資成本上升, 投資者可選擇購入利率掉期(Interest Rate Swap)以鎖定為固定利率。

理論上, 只要策略得宜, 債券在任何情況下都是穩健而回相對高的投資。債券在一般情況下價格波動性是較低的, 因此只要有是持有至到期的準備, 理論上債券是高回報、進可攻退可守的投資。

篇幅所限, 有機會再詳述。

Starman Facebook專頁

以下是筆者的Facebook 專頁，大家有空的時候希望可稍移玉步去以下網址給我一個Like, 感謝支持!!

Starman 資本攻略 - 槓桿債券、工廈專業投資攻略

債券投資 (2) – 實戰篇 直債, 槓桿直債操作

債券投資(1) 談論了債券的基本概念, 呢篇開始會講下債券投資的實戰技巧同和槓桿債券, 但講到實戰其實要講有排講, 由選債、公司基本面分析、財務分析、償債能力、市場利率走勢、債券Duration、融資成本、以至實戰落盤等等, 一講可能要講成年。但為左唔想悶親讀者, 等我先搵D interesting D既實戰案例同大家講解下, 學術既野之後慢慢再補充吧。講明先, 以下僅供參考, 不涉及推薦任何投資行為。

以上係阿里巴巴發行的債券, 阿里巴巴係咩公司我就唔多講啦, 大家都應該唔會陌生。大家從上可以見到呢隻債券既價格係96.729, 低於100, 我地叫做below par, 上一篇講過below par 既bond, 亦即係discount bond, 到期時你可收到100, 所以投資者如果以現價買入, 實際到期回報率(Yield to maturity)係比Coupon Rate大。如果你預期自己將會揸呢隻bond 揸到尾, 你應該主要考慮YTM, 而唔係淨係Coupon Rate, 而Coupon Rate只會影響你到期前期間收息既現金流。

 阿里巴巴發行的債券最主要的風險就是阿里巴巴違約, 以阿里巴巴這種規模既公司黎講, 違約可能性極低, 基本上可以話香港幾間本地中小型銀行執笠都未到佢。安全就安全啦, 但收益就得4%左右 (其實以這種級數既投資物黎講已經唔錯)。為左可以全面發揮呢類高評級債券既優勢, 可以利用槓桿直債操作(Leveraged Bond)。

Leveraged Bond原理，以上述例子, 其實係買入一隻4%回報既債券, 將之抵押予銀行,  利用銀行低息融資既優勢, 套現80%資金, 再將套出的資金再次買入該債券, 再將債券抵押予銀行融資, 將套現出的資金再度買入債券, 如此類推, 重複操作。當然實際操作唔使咁煩, 買入債券時直接付20%資金就可以買到100%面值既債券，其餘80% 由銀行融資,  槓桿比率就是1/20% = 5倍。以上做法就等如套息交易(Carry Trade), 借低息資金買入高息資產從而套取息差。



 

假設融資成本為1.6%, 買入4%回報的債券抵押予銀行, 以1.6%成本套現80%資金。如用盡5倍槓桿, 即可將原本4.02%年回報提升至13.72%年回報。

 

再續。

債券投資 (1)

高門檻投資與散戶風險

從投資角度看, 一個人的收入係應該多元化的, 即除左打工份糧, 一般人黎講不外乎買收租、買股債收息等。打工係付出勞力, 而一個人係一生人裡面可以付勞力的時間是有限的, 所以為了保障自己退休後的生活能夠維持一定的水平, 人應該好好利用自己打工賺回來的資金進行資本運作, 換句話說即係錢搵錢, 從而產生被動收入。資本運作即運用你本身或融資得來的資本進行投資行為, 投資是有門檻的, 不同的投資都有不同的投資要求, 即我所講既門檻。投資理論告訴我們, 回報越高, 風險越高。然而從事實黎睇, 這個理論又唔係一定always apply, 應該咁講, 係相同或近似門檻既投資選擇黎講, 這種比較是正確的。 門檻越高的投資, risk-adjusted return越高既投資選擇亦越多。原因係高門檻的投資需要的除了是資金, 一般還需具備一定的知識, 散戶越少的投資領域, 資產回報越趨理性, 預期得到的回報(expected return)就越準確、越有把握, 因為散戶投資是羊群心理的, 同時亦收好多因素所影響, 所以在散戶多既市場上, 大戶要賺錢就越唔容易, 這種不確定性也就是風險, 除去這一”散戶風險”, risk-adjusted return就變得吸引了, 這解釋了為何高門檻投資在同一風險的情況下有較高的回報。

債券投資 (1)

我一開始都好奇怪, 行入銀行分行有各式各樣的投資產品, 客戶經理一般介紹既ELN、什麼投資相連保險、乜乜基金等等，風險高回報低，但就偏偏很有市場。當你想問有無得買債券時，投資經理就會sell債券基金，講一大倫先知道原來銀行無得買債券。好多人一聽到債券就怕怕, 唔知係咪比雷曼債券嚇親, 所以市面上好少聽到有朋友投資債券, 其實原因好簡單, 債券入場費高, 唔係一般散戶的投資能力範圍內，而且債券唔同一般投資產品，投資者必須要對債券有基本認識才會知道自己的回報同風險。加上賣債券銀行無咩肉食，純粹賺你買賣commission, 買入後持有至到期銀行連賣出commission都賺你唔到，所以銀行一般都會sell你手續費高昂既基金產品，羊毛出自羊身上，一般銀行產品回報低是有原因的。

債券投資是高門檻投資的一種, 入場費一般為10-20萬美元, 其中以20萬美元的選擇為大多數。其實要解釋債券最基本的概念，用借錢的比喻係最容易使人明白。我用最簡單既方法講講，債券發行人即是借款人(Borrower)，債券認購人即是貸款人(Lender)，你作為投資者買左債券發行人出既債券等同你借錢比呢間公司。借錢比人當然係有年期，即係公司借幾耐先還錢，呢個就係債券到期日(Maturity Day), 假設今日發行既係3年債券，債券到期日就係2015年7月27日 , 到期時債券發行人會將”本金”全數償還比你，所以風險就係發行人違約(Default Risk)，即係例如佢執左破左產，還唔到錢比你。一般既債券係每半年派一次息，每一隻債券都有一個票面息率(Coupon Rate), 發行人會按票面息率派發利息比債券持有人。

 上述係假設左你係債券首次發行(IPO)時買入債券，你買入的價格就是100 (Par Value)，但債券是有二手市場的，隨著市場變化，如市場利率、公司經營情況等因素，債券價格是可升可跌的。假設你係二手市場買入債券，而你的買入價格是97, 到期時發行人仍然會償還100給你, 中間你每半年仍然會收到發行人按100 (Par Value) 以票面息率(Coupon Rate)計算比你既利息。假設票面息率是6%,買入價格是97, 到期收番100, 即係你到期時多賺了3%, 債券期3年, 平均每年多收1%, 所以你的實際既收益率應該為6%+1% = 7% (實際計算方法會較複雜), 比票面息率(Coupon Rate)的6%高，而這個實際既收益率我們叫做孳息率(Yield-to-maturity / YTM)。所以買債券時我地除左留意票面息率(Coupon Rate)外，更重要的是孳息率(Yield-to-maturity / YTM)。

今日講住咁多先，睇睇反應如何。